mashhur hai jahan mein agarche jafa-e-gul

mash.hūr hai jahāñ meñ agarche jafā-e-gul

so jāneñ hoñ to kījiye us par fidā-e-gul

jaatā hai misl bū ke ye dil uḌā huā

kyuuñ kar bhalā na huuñ maiñ kaho mubtalā-e-gul

sarsabz gul kī rakhe ḳhudā har ravish bahār

ai bāġhbāñ nasīb ho tujh ko balā-e-gul

gulzār us ke daaġh se siina mirā huā

kaho mire mazār par koī na laa.e gul

us bulbul-e-asīr kī hasrat pe daaġh huuñ

mar hī ga.ī qafas meñ sunī jab sadā-e-gul

gulchīñ-o-bāġhbāñ ko kahāñ us kī qadr hai

bulbul ke dil se pūchhiye jis vaqt aa.e gul

kuchh aarzū se kaam nahīñ 'ishq' ko sabā

manzūr us ko hai vahī jo ho razā-e-gul

mashhur hai jahan mein agarche jafa-e-gul

so jaanen hon to kijiye us par fida-e-gul

jata hai misl bu ke ye dil uDa hua

kyun kar bhala na hun main kaho mubtala-e-gul

sarsabz gul ki rakhe KHuda har rawish bahaar

ai baghban nasib ho tujh ko bala-e-gul

gulzar us ke dagh se sina mera hua

kaho mere mazar par koi na lae gul

us bulbul-e-asir ki hasrat pe dagh hun

mar hi gai qafas mein suni jab sada-e-gul

gulchin-o-baghban ko kahan us ki qadr hai

bulbul ke dil se pūchhiye jis waqt aae gul

kuchh aarzu se kaam nahin 'ishq' ko saba

manzur us ko hai wahi jo ho raza-e-gul