sharf ye aaj mila gham-e-tamam ke baad

sharf ye aaj milā ġham-e-tamām ke ba.ad

ki naam aane lagā merā un ke naam ke ba.ad

rahā na koī bhī mahrūm daur-e-jām ke ba.ad

maiñ kyā karūñ ki maiñ tishnā huuñ izn-e-ām ke ba.ad

na jaane kaisī pilā.ī thī tum ne nazroñ se

ḳhumār baaqī hai tark-e-subū-o-jām ke ba.ad

shagufta phuul bhī ḳhāroñ kī misl chubhte haiñ

bahār daur-e-tamannā ke iḳhtitām ke ba.ad

hamāre ā.īna-e-dil pe mel chhāyā hai

ġham-e-habīb ke ik aks-e-nā-tamām ke ba.ad

rah-e-hayāt ko āsāñ banā liyā ham ne

tumhārā naam pukārā har ek gaam ke ba.ad

na jaane sāqī-o-sahbā pe kyā guzartī hai

vaqār bāda-kashāñ 'aah' tishna-kām ke ba.ad

sharf ye aaj mila gham-e-tamam ke baad

ki nam aane laga mera un ke nam ke baad

raha na koi bhi mahrum daur-e-jam ke baad

main kya karun ki main tishna hun izn-e-am ke baad

na jaane kaisi pilai thi tum ne nazron se

KHumar baqi hai tark-e-subu-o-jam ke baad

shagufta phul bhi KHaron ki misl chubhte hain

bahaar daur-e-tamanna ke iKHtitam ke baad

hamare aaina-e-dil pe mel chhaya hai

gham-e-habib ke ek aks-e-na-tamam ke baad

rah-e-hayat ko aasan bana liya hum ne

tumhaara nam pukara har ek gam ke baad

na jaane saqi-o-sahba pe kya guzarti hai

waqar baada-kashan 'ah' tishna-kaam ke baad