afsurda dil bulbul phulon pe KHizan chhai

afsurda dil bulbul phūloñ pe ḳhizāñ chhā.ī

allāh gulistāñ meñ ye kaisī bahār aa.ī

yuuñ aatī haiñ kānoñ meñ bhūlī huī āvāzeñ

jaise kisī vaadī meñ bajtī huī shahnā.ī

ham ranj-e-asīrī meñ mahsūs na kar paa.e

kab mausam-e-gul biitā kab fasl-e-bahār aa.ī

kal jis ne mujhe apnā dīvāna banāyā thā

ab merī tabāhī par vo bhī hai tamāshā.ī

kahnā to bahut chāhā hāl-e-ġham-e-dil lekin

kuchh kahne nahīñ detā andesha-e-rusvā.ī

mastī meñ kabhī tum ne jo zulf-e-siyah kholī

sāvan kī ghaTāoñ ko aane lagī añgḌā.ī

shahroñ kī taraf ruḳh bhī bhūle se nahii. karte

sahrā kī fazā shāyad dīvānoñ ko raas aa.ī

ai 'aah' zarā socho nādān ho tum kitne

ik bhūlne vaale ke ab tak ho tamāshā.ī

afsurda dil bulbul phulon pe KHizan chhai

allah gulistan mein ye kaisi bahaar aai

yun aati hain kanon mein bhuli hui aawazen

jaise kisi wadi mein bajti hui shahnai

hum ranj-e-asiri mein mahsus na kar pae

kab mausam-e-gul bita kab fasl-e-bahaar aai

kal jis ne mujhe apna diwana banaya tha

ab meri tabahi par wo bhi hai tamashai

kahna to bahut chaha haal-e-gham-e-dil lekin

kuchh kahne nahin deta andesha-e-ruswai

masti mein kabhi tum ne jo zulf-e-siyah kholi

sawan ki ghaTaon ko aane lagi angDai

shahron ki taraf ruKH bhi bhule se nahi karte

sahra ki faza shayad diwanon ko ras aai

ai 'ah' zara socho nadan ho tum kitne

ek bhulne wale ke ab tak ho tamashai