maujon ka ye sitam bhi hababon pe kam nahin

maujoñ kā ye sitam bhī habāboñ pe kam nahīñ

un ko halāk kartī hai ye jin meñ dam nahīñ

rutba meñ mire dil se ziyāda haram nahīñ

ka.aba ye vo hai jis meñ maqām-e-sanam nahīñ

kuchh shaiḳh se ġharaz na barahman se kaam hai

ham bāda-ḳhvār sākin-e-dair-o-haram nahīñ

farhād kī tarah maiñ karūñ kyuuñ na sar-figār

kyā mire paas tesha-e-faulād-e-ġham nahīñ

talchhaT hī de jo mai nahīñ detā hai sāqiyā

mujh tishna-lab pe kyā tirā dast-e-karam nahīñ

saaqī milegā ḳhaak hameñ mai-kashī meñ lutf

chhāyā huā jo baaġh pe abr-e-karam nahīñ

dil le ke merā kījiye pāmāl shauq se

āzurda maiñ huzūr ke sar kī qasam nahīñ

sayyād ke vo ghar meñ ye gulchīñ kī god meñ

kyā tafriqa paḌā gul-o-bulbul baham nahīñ

va.ada kiyā hai us ne 'salīm' aa.egā zarūr

kuchh is se ham ko hājat-e-qaul-o-qasam nahīñ

maujon ka ye sitam bhi hababon pe kam nahin

un ko halak karti hai ye jin mein dam nahin

rutba mein mere dil se ziyaada haram nahin

kaba ye wo hai jis mein maqam-e-sanam nahin

kuchh shaiKH se gharaz na barahman se kaam hai

hum baada-KHwar sakin-e-dair-o-haram nahin

farhad ki tarah main karun kyun na sar-figar

kya mere pas tesha-e-faulad-e-gham nahin

talchhaT hi de jo mai nahin deta hai saqiya

mujh tishna-lab pe kya tera dast-e-karam nahin

saqi milega KHak hamein mai-kashi mein lutf

chhaya hua jo bagh pe abr-e-karam nahin

dil le ke mera kijiye pamal shauq se

aazurda main huzur ke sar ki qasam nahin

sayyaad ke wo ghar mein ye gulchin ki god mein

kya tafriqa paDa gul-o-bulbul baham nahin

wada kiya hai us ne 'salim' aaega zarur

kuchh is se hum ko hajat-e-qaul-o-qasam nahin