bande hum be-zar-o-be-dam hain kun ke in ke

bande ham be-zar-o-be-dām haiñ kun ke in ke

dil se ham 'āshiq-e-nākām haiñ kun ke in ke

shāfe'-o-ahmad be-mīm-o-mohammad-e-sayyad

aur bhī in ke sivā naam haiñ kun ke in ke

mārnā aañkh se aur lab se jilānā dam meñ

ek adnā se ye sab kaam haiñ kun ke in ke

haq ne farmā hī diyā shaan meñ laulāka-lammā

az samak tā ba-samā raam haiñ kun ke in ke

mai-e-'irfāñ se bharā ek hai aur shar.a se ek

ek hī haath meñ do jaam haiñ kun ke in ke

zāt-e-jauhar kī hai taqsīm muhāl-e-'aqlī

ai 'ajab nuur ke aqsām haiñ kun ke in ke

'āriz-e-sāf-o-siyah gesū ke sadqe jā.ūñ

zer-e-farmāñ halab-o-shām haiñ kun ke in ke

farsh-e-ḳhākī pe agarche ki haiñ khema-andāz

'arsh-o-kursī-o-falak-bām haiñ kun ke in ke

mehr-o-mah-o-mushtarī-o-zuhra 'atārid mirrīḳh

'aqrab-o-sor ye ḳhuddām haiñ kun ke in ke

aur the vo jinheñ farmān thā fakHla'-nālaika

masnad-e-'arsh pe iqdām haiñ kun ke in ke

haq se batlā ke nabī ko ye kaheñge dam-e-hashr

'ishq' ham banda-e-be-dām haiñ kun ke in ke

bande hum be-zar-o-be-dam hain kun ke in ke

dil se hum 'ashiq-e-nakaam hain kun ke in ke

shafe'-o-ahmad be-mim-o-mohammad-e-sayyad

aur bhi in ke siwa nam hain kun ke in ke

marna aankh se aur lab se jilana dam mein

ek adna se ye sab kaam hain kun ke in ke

haq ne farma hi diya shan mein laulaka-lamma

az samak ta ba-sama ram hain kun ke in ke

mai-e-'irfan se bhara ek hai aur shara se ek

ek hi hath mein do jam hain kun ke in ke

zat-e-jauhar ki hai taqsim muhaal-e-'aqli

ai 'ajab nur ke aqsam hain kun ke in ke

'ariz-e-saf-o-siyah gesu ke sadqe jaun

zer-e-farman halab-o-sham hain kun ke in ke

farsh-e-KHaki pe agarche ki hain khema-andaz

'arsh-o-kursi-o-falak-baam hain kun ke in ke

mehr-o-mah-o-mushtari-o-zuhra 'atarid mirriKH

'aqrab-o-sor ye KHuddam hain kun ke in ke

aur the wo jinhen farman tha fakHla'-nalaika

masnad-e-'arsh pe iqdam hain kun ke in ke

haq se batla ke nabi ko ye kahenge dam-e-hashr

'ishq' hum banda-e-be-dam hain kun ke in ke