tere wadon ka etibar kise

tere va.adoñ kā e'tibār kise

go ki ho tāb-e-intizār kise

ik nazar bhī hai dīd-e-muft-nazar

itnī fursat bhī ai sharār kise

juuñ nagīñ yaañ sivā.e rū-siyahī

dahr kartā hai nām-dār kise

dil to Duubā ab aur dekheñ Dubā.eñ

ye mirī chashm-e-ashk-bār kise

tere va.adoñ ko maiñ samajhtā huuñ

dhoka detā hai mere yaar kise

tū baġhal se gayā thā dil bhī gayā

aur le baiThūñ darkinār kise

maiñ to kyā aur bhī sivā.e sabā

tere kūche talak guzār kise

dekhtā hī nahīñ vo mast-e-nāz

aur dikhlā.ūñ hāl-e-zār kise

ḳhuub dekhe 'asar' ne qaul-o-qarār

ab tire qaul par qarār kise

tere wadon ka e'tibar kise

go ki ho tab-e-intizar kise

ek nazar bhi hai did-e-muft-nazar

itni fursat bhi ai sharar kise

jun nagin yan siwae ru-siyahi

dahr karta hai nam-dar kise

dil to Duba ab aur dekhen Dubaen

ye meri chashm-e-ashk-bar kise

tere wadon ko main samajhta hun

dhoka deta hai mere yar kise

tu baghal se gaya tha dil bhi gaya

aur le baiThun darkinar kise

main to kya aur bhi siwae saba

tere kuche talak guzar kise

dekhta hi nahin wo mast-e-naz

aur dikhlaun haal-e-zar kise

KHub dekhe 'asar' ne qaul-o-qarar

ab tere qaul par qarar kise