tere aane ka ehtimal raha

tere aane kā ehtimāl rahā

marte marte yahī ḳhayāl rahā

ġham tirā dil se koī nikle hai

aah har-chand maiñ nikāl rahā

hijr ke haath se haiñ sab rote

yaañ hamesha kise visāl rahā

sham.a saañ jalte-balte kaaTī umr

jab talak sar rahā vabāl rahā

mil ga.e ḳhaak meñ hī tifl-e-sarishk

maiñ to āñkhoñ meñ garche paal rahā

samajhiye is qadar na kiije ġhurūr

koī bhī husn lā-zavāl rahā

tere dar se koī bhī Taltā huuñ

tū to har-chand mujh ko Taal rahā

dil na sambhlā agarche maiñ to use

apne maqdūr tak sambhāl rahā

phir na kahnā 'asar' na kuchh sunñā

koī din gar yūñhī jo haal rahā

tere aane ka ehtimal raha

marte marte yahī KHayal raha

gham tera dil se koi nikle hai

aah har-chand main nikal raha

hijr ke hath se hain sab rote

yan hamesha kise visal raha

shama san jalte-balte kaTi umr

jab talak sar raha wabaal raha

mil gae KHak mein hi tifl-e-sarishk

main to aankhon mein garche pal raha

samajhiye is qadar na kije ghurur

koi bhi husn la-zawal raha

tere dar se koi bhi Talta hun

tu to har-chand mujh ko Tal raha

dil na sambhla agarche main to use

apne maqdur tak sambhaal raha

phir na kahna 'asar' na kuchh sunna

koi din gar yunhi jo haal raha