aasudgi kahan jo dil-e-zar sath hai

āsūdgī kahāñ jo dil-e-zār saath hai

marne ke ba.ad bhī yahī āzār saath hai

anjām ho ba-ḳhair ilāhī bure haiñ Dhañg

har rozgār aise jafākār saath hai

gar sarf-e-dil meñ chashma-e-ḳhūñ ho to ḳhushk ho

tūfāñ ye hai ki dīda-e-ḳhūñ-bār saath hai

dekheñ bhalā Tuk ik to jafā kiije aur se

kyā sheḳhī saarī is hī gunahgār saath hai

ai shāna zulf-e-yār se pechish na kījiyo

vābasta merī jaan har ik taar saath hai

jannat hai us baġhair jahannam se bhī zubūñ

dozaḳh bahisht haigī agar yaar saath hai

mushkil hai tā ki hastī hai jāvai ḳhudī kā shirk

tār-e-nafas nahīñ hai ye zunnār saath hai

hotī hai baat baat meñ vo chashm ḳhashmagīñ

sohbat 'asar' hameñ sadā bīmār saath hai

aasudgi kahan jo dil-e-zar sath hai

marne ke baad bhi yahī aazar sath hai

anjam ho ba-KHair ilahi bure hain Dhang

har rozgar aise jafakar sath hai

gar sarf-e-dil mein chashma-e-KHun ho to KHushk ho

tufan ye hai ki dida-e-KHun-bar sath hai

dekhen bhala Tuk ek to jafa kije aur se

kya sheKHi sari is hi gunahgar sath hai

ai shana zulf-e-yar se pechish na kijiyo

wabasta meri jaan har ek tar sath hai

jannat hai us baghair jahannam se bhi zubun

dozaKH bahisht haigi agar yar sath hai

mushkil hai ta ki hasti hai jawai KHudi ka shirk

tar-e-nafas nahin hai ye zunnar sath hai

hoti hai baat baat mein wo chashm KHashmagin

sohbat 'asar' hamein sada bimar sath hai