Sufinama

na barq na shoala ne sharar hun

Khwaja Meer Asar

na barq na shoala ne sharar hun

Khwaja Meer Asar

MORE BYKhwaja Meer Asar

    na barq na sho.ala ne sharar huuñ

    jo kahiye so qissa muḳhtasar huuñ

    joñ aks merā kahāñ Thikāna

    tere jalve se jalva-gar huuñ

    ai naqsh-e-qadam rah-e-fanā meñ

    maiñ tujh se Tuk ek peshtar huuñ

    ye ḳhair hai ḳhair-e-mahz hai to

    banda ganda jo maiñ bashar huuñ

    ma.alūm huī na kuchh haqīqat

    maiñ kyā huuñ kaun huuñ kidhar huuñ

    ai umr-e-ba-bād-e-rafta le chal

    maiñ bhī tere ham-safar huuñ

    juuñ sho.ala miyān-e-be-qarārī

    qaa.em apne qarār par huuñ

    huuñ nāla-e-nā-rasā va-lekin

    apne haq meñ to kārgar huuñ

    aate haiñ nazar sabhī hunar-mand

    maiñ ek saaf be-hunar huuñ

    huuñ tīr-e-balā maiñ nishāna

    shamshīr-e-jafā maiñ sipar huuñ

    lenā mirī ḳhair-ḳhabar to ḳhair dilā

    ġhāfil huuñ nipaT be-ḳhabar huuñ

    bhūle bhī kabho na yaad karnā

    bār-e-ḳhātir maiñ is qadar huuñ

    huuñ laġhv maiñ aap apnī zātoñ

    auroñ naf.a ne zarar huuñ

    tere dāman se lag rahā huuñ

    apnī tar-dāmanī se tar huuñ

    huuñ 'dard' zāt-e-pāk

    go ain nahīñ vale 'asar' huuñ

    na barq na shoala ne sharar hun

    jo kahiye so qissa muKHtasar hun

    jon aks mera kahan Thikana

    tere jalwe se jalwa-gar hun

    ai naqsh-e-qadam rah-e-fana mein

    main tujh se Tuk ek peshtar hun

    ye KHair hai KHair-e-mahz hai to

    banda ganda jo main bashar hun

    malum hui na kuchh haqiqat

    main kya hun kaun hun kidhar hun

    ai umr-e-ba-baad-e-rafta le chal

    main bhi tere hi ham-safar hun

    jun shoala miyan-e-be-qarari

    qaem apne qarar par hun

    hun nala-e-na-rasa wa-lekin

    apne haq mein to kargar hun

    aate hain nazar sabhi hunar-mand

    main hi ek saf be-hunar hun

    hun tir-e-bala ka main nishana

    shamshir-e-jafa ka main sipar hun

    lena meri KHair-KHabar to KHair dila

    ghafil hun nipaT hi be-KHabar hun

    bhule bhi kabho na yaad karna

    bar-e-KHatir main is qadar hun

    hun laghw main aap apni zaton

    auron ka nafa ne zarar hun

    tere daman se lag raha hun

    apni tar-damani se tar hun

    hun 'dard' ki zat-e-pak ka hi

    go ain nahin wale 'asar' hun

    Source :
    • Book : Diwan-e-Asar Edited: Kamil Quraishi (Pg. 199)
    • Author : Mir Asar
    • Publication : Anjuman Taraqqi Urdu (Hind) (1978)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now