na laga le gae jahan dil ko

na lagā le ga.e jahāñ dil ko

aah le jā.iye kahāñ dil ko

mujh se le to chale ho dekho par

toḌiyo mat kahīñ miyāñ dil ko

aazmā aur jis meñ chāhe tū

sabr meñ kar na imtihāñ dil ko

yuuñ to kyā baat hai tirī lekin

vo na niklā jo thā gumāñ dil ko

rakh na tū ab dareġh nīm-nigāh

maar mat dekh nīm-jāñ dil ko

aah kyā kiije yaañ banāyā hai

dil-e-girafta hī ġhuncha saañ dil ko

mar gayā pis gayā na kī par aah

āfrīñ aise be-zabāñ dil ko

dushmanī tū hī us se kartā hai

dost rakhtā hai ik jahāñ dil ko

mehrbānī to kī na zāhir meñ

rakhiye baare tū mehrbāñ dil ko

lījiyegā na lījiyegā phir

dekhiye to sahī butāñ dil ko

āzmānā kahīñ na saḳhtī se

dekhiyo mere nā-tavāñ dil ko

tū bhī jī meñ use jagah diijo

manzilat thī 'asar' ke haañ dil ko

na laga le gae jahan dil ko

aah le jaiye kahan dil ko

mujh se le to chale ho dekho par

toDiyo mat kahin miyan dil ko

aazma aur jis mein chahe tu

sabr mein kar na imtihan dil ko

yun to kya baat hai teri lekin

wo na nikla jo tha guman dil ko

rakh na tu ab daregh nim-nigah

mar mat dekh nim-jaan dil ko

aah kya kije yan banaya hai

dil-e-girafta hi ghuncha san dil ko

mar gaya pis gaya na ki par aah

aafrin aise be-zaban dil ko

dushmani tu hi us se karta hai

dost rakhta hai ek jahan dil ko

mehrbani to ki na zahir mein

rakhiye bare tu mehrban dil ko

lijiyega na lijiyega phir

dekhiye to sahi butan dil ko

aazmana kahin na saKHti se

dekhiyo mere na-tawan dil ko

tu bhi ji mein use jagah dijo

manzilat thi 'asar' ke han dil ko