ras kyun kar aae duniya mein koi manzil mujhe

raas kyuuñ kar aa.e duniyā meñ koī manzil mujhe

chain se rahne nahīñ detā kahīñ bhī dil mujhe

ishtiyāq-e-jalva-hā-e-husn-e-fitrat dekh kar

zauq-e-nazāra hai fikr-e-dīd ke qābil mujhe

ḳhūbī-e-qismat kahūñ yā mahz husn-e-ittifāq

talḳhiyāñ taqdīr kī hotī haiñ kam hāsil mujhe

zindagī kī dāstāñ har rose dohrātī hai sham.a

mustaqil kab hai nizām-e-raunaq-e-mahfil mujhe

ho nahīñ saktā mujāhid ḳhud-farebī kā shikār

dil musalmāñ hai to har tūfān hai sāhil mujhe

ras kyun kar aae duniya mein koi manzil mujhe

chain se rahne nahin deta kahin bhi dil mujhe

ishtiyaq-e-jalwa-ha-e-husn-e-fitrat dekh kar

zauq-e-nazara hai fikr-e-did ke qabil mujhe

KHubi-e-qismat kahun ya mahz husn-e-ittifaq

talKHiyan taqdir ki hoti hain kam hasil mujhe

zindagi ki dastan har rose dohraati hai shama

mustaqil kab hai nizam-e-raunaq-e-mahfil mujhe

ho nahin sakta mujahid KHud-farebi ka shikar

dil musalman hai to har tufan hai sahil mujhe