راس کیوں کر آئے دنیا میں کوئی منزل مجھے

راس کیوں کر آئے دنیا میں کوئی منزل مجھے

چین سے رہنے نہیں دیتا کہیں بھی دل مجھے

اشتیاق جلوہ ہائے حسن فطرت دیکھ کر

ذوق نظارہ ہے فکر دید کے قابل مجھے

خوبیٔ قسمت کہوں یا محض حسن اتفاق

تلخیاں تقدیر کی ہوتی ہیں کم حاصل مجھے

زندگی کی داستاں ہر روز دہراتی ہے شمع

مستقل کب ہے نظام رونق محفل مجھے

ہو نہیں سکتا مجاہد خود فریبی کا شکار

دل مسلماں ہے تو ہر طوفان ہے ساحل مجھے