mere qaba mein arsh makin hai ma dami subhan-allah

mere qabā meñ arsh makīñ hai mā daamī sub.hān-allāh

qurb-e-huzūrī aisī huī hai lā-ġhairī sub.hān-allāh

ahdan samadan jān-e-jahāñ hai ham ne jaanā lā-shak be-shak

jaan hai ab merī jān-e-jahānī lā-sānī sub.hān-allāh

piir hamārā haadī hamārā tāza-ravāñ vo lahza lahza

ham ko milāyā zāt-e-qidam se mā-rūhī sub.hān-allāh

marnā-jīnā dam dam kā ek sho.aba hai mire ishq-e-sanam kā

varna zinda aisā huā ab maut kudāmī sub.hān-allāh

mujhe barzaḳh-e-kubrā yaar kā hai shaitān kahāñ vasvās kujā

nafas merā mutma.inna hai dil-o-jān salāmī sub.hān-allāh

johaiñ vasl-e-habīb kā qasd havā chhuTe apne parā.e the jitne dilā

rahā murshid haadī rasūl-e-ḳhudā mere saath qayāmī sub.hān-allāh

'mardān-safī' chishtiya nizāmī mast huā bāda-e-qulhoallāh

nisbat-e-rūhī hai maulā-alī se mā-bāqī sub.hān-allāh

mere qaba mein arsh makin hai ma dami subhan-allah

qurb-e-huzuri aisi hui hai la-ghairi subhan-allah

ahdan samadan jaan-e-jahan hai hum ne jaana la-shak be-shak

jaan hai ab meri jaan-e-jahani la-sani subhan-allah

pir hamara hadi hamara taza-rawan wo lahza lahza

hum ko milaya zat-e-qidam se ma-ruhi subhan-allah

marna-jina dam dam ka ek shoaba hai mere ishq-e-sanam ka

warna zinda aisa hua ab maut kudami subhan-allah

mujhe barzaKH-e-kubra yar ka hai shaitan kahan waswas kuja

nafas mera mutmainna hai dil-o-jaan salami subhan-allah

johain wasl-e-habib ka qasd hawa chhuTe apne parae the jitne dila

raha murshid hadi rasul-e-KHuda mere sath qayami subhan-allah

'mardan-safi' chishtiya nizami mast hua baada-e-qulhoallah

nisbat-e-ruhi hai maula-ali se ma-baqi subhan-allah