mina-o-subu bhi shad rahen aabaad rahe wo mai-KHana

mīnā-o-subū bhī shaad raheñ ābād rahe vo mai-ḳhāna

har vaqt chhalaktā hai jis meñ taslīm-o-razā kā paimāna

dohrā na sakā phir hairat se ḳhud tuur bhī apnā fasāna

jab naam tumhārā le-le kar taḌpā jo tumhārā dīvāna

ho jaa.e agar tū be-parda ai partav-e-husn-e-jānāna

lillāh abhī kar le pal meñ aiman kā nazāra mastāna

ḳhud aa.eñ fazā.eñ gardish meñ ḳhud jhuum uThā har mai-ḳhāna

maḳhmūr huā jab jalvoñ meñ gum ho ke tumhārā dīvāna

ai kaash tumhārī mahfil meñ is shaan se aa.e dīvāna

tābish ho nazar meñ jalvoñ kī aur aañkh meñ 'aks-e-jānāna

haañ merī zabāñ par aatā hai 'manzūr' ba-husn-e-mastāna

sad rashk-e-charāġh-e-tūr bane murshid kā hamāre kāshāna

mina-o-subu bhi shad rahen aabaad rahe wo mai-KHana

har waqt chhalakta hai jis mein taslim-o-raza ka paimana

dohra na saka phir hairat se KHud tur bhi apna fasana

jab nam tumhaara le-le kar taDpa jo tumhaara diwana

ho jae agar tu be-parda ai partaw-e-husn-e-jaanana

lillah abhi kar le pal mein aiman ka nazara mastana

KHud aaen fazaen gardish mein KHud jhum uTha har mai-KHana

maKHmur hua jab jalwon mein gum ho ke tumhaara diwana

ai kash tumhaari mahfil mein is shan se aae diwana

tabish ho nazar mein jalwon ki aur aankh mein 'aks-e-jaanana

han meri zaban par aata hai 'manzur' ba-husn-e-mastana

sad rashk-e-charagh-e-tur bane murshid ka hamare kashana