مینا و سبو بھی شاد رہیں آباد رہے وہ مے خانہ

مینا و سبو بھی شاد رہیں آباد رہے وہ مے خانہ

ہر وقت چھلکتا ہے جس میں تسلیم و رضا کا پیمانہ

دہرا نہ سکا پھر حیرت سے خود طور بھی اپنا فسانہ

جب نام تمہارا لے لے کر تڑپا جو تمہارا دیوانہ

ہو جائے اگر تو بے پردہ اے پرتو حسن جانانہ

لللہ ابھی کر لے پل میں ایمن کا نظارہ مستانہ

خود آئیں فضائیں گردش میں خود جھوم اٹھا ہر مے خانہ

مخمور ہوا جب جلووں میں گم ہو کے تمہارا دیوانہ

اے کاش تمہاری محفل میں اس شان سے آئے دیوانہ

تابش ہو نظر میں جلووں کی اور آنکھ میں عکس جانانہ

ہاں میری زباں پر آتا ہے منظورؔ بہ حسن مستانہ

صد رشک چراغ طور بنے مرشد کا ہمارے کاشانہ