mil jaye masarrat ki daulat dil-e-hairan ko

mil jaaye masarrat kī daulat dil-e-hairāñ ko

dekhūñ jo shab-e-furqat us mah-e-tābāñ ko

hai zaḳhm-e-jigar kaarī hai dard se jaañ aarī

maiñ DhūñDhtā phirtā huuñ ik īsā-e-daurāñ ko

āñkhoñ ko bichhātā huuñ jā.da-e-yasrib meñ

josh aayā sar-e-kausar gar dīda-e-giryāñ ko

kartā huuñ tilāvat jab is mus.haf-e-āriz ko

val-fajr sunātā huuñ shām-e-shab-e-hijrāñ ko

maiñ shukr bajā lā.ūñ dil se tire ehsāñ kā

ai abr-e-karam agar dho de tū nāma-e-isyāñ ko

jo maut se Darte haiñ jiine pe jo marte haiñ

ai 'mīr' vahī DhūñDheñ bas chashma-e-haivāñ ko

mil jaye masarrat ki daulat dil-e-hairan ko

dekhun jo shab-e-furqat us mah-e-taban ko

hai zaKHm-e-jigar kari hai dard se jaan aari

main DhunDhta phirta hun ek isa-e-dauran ko

aankhon ko bichhata hun jada-e-yasrib mein

josh aaya sar-e-kausar gar dida-e-giryan ko

karta hun tilawat jab is mushaf-e-ariz ko

wal-fajr sunata hun sham-e-shab-e-hijran ko

main shukr baja laun dil se tere ehsan ka

ai abr-e-karam agar dho de tu nama-e-isyan ko

jo maut se Darte hain jine pe jo marte hain

ai 'mir' wahi DhunDhen bas chashma-e-haiwan ko