مل جائے مسرت کی دولت دل حیراں کو

مل جائے مسرت کی دولت دل حیراں کو

دیکھوں جو شب فرقت اس مہ تاباں کو

ہے زخم جگر کاری ہے درد سے جاں عاری

میں ڈھونڈھتا پھرتا ہوں اک عیسیٰ دوراں کو

آنکھوں کو بچھاتا ہوں جادۂ یثرب میں

جوش آیا سر کوثر گر دیدۂ گریاں کو

کرتا ہوں تلاوت جب اس مصحف عارض کو

والفجر سناتا ہوں شام شب ہجراں کو

میں شکر بجا لاؤں دل سے ترے احساں کا

اے ابر کرم اگر دھو دے تو نامۂ عصیاں کو

جو موت سے ڈرتے ہیں جینے پہ جو مرتے ہیں

اے میرؔ وہی ڈھونڈھیں بس چشمۂ حیواں کو