hum ishq mein dil-dar ke hairan hain wallah

ham ishq meñ dil-dār ke hairān haiñ vallāh

har aan judā.ī se pareshān haiñ vallāh

chheḌo na mujhe yaaro koī soḳhta-dil ko

ham apnī miyāñ jaan se be-jān haiñ vallāh

jab apnī ḳhabar mujh ko nahīñ hai ki maiñ kyā huuñ

haivān se bad-tar hamīñ insān haiñ vallāh

kyā ham ko bhalā āshiq-e-majnūñ kī ḳhabar hai

ham aap hī bargashta-o-vīrān haiñ vallāh

jab yaar ko mushtāq kī milne kī ġharaz ho

phir ham ko sabhī manzileñ āsān haiñ vallāh

hai kaun jo karatā nahīñ ḳhāliq kī parastish

ham kahte haiñ ham sāhib-e-qur.ān haiñ vallāh

mīrāñ shaah vo har shaan meñ benām-o-nishāñ hai

ham kyā haiñ yūñhī be-sar-o-sāmān haiñ vallāh

hum ishq mein dil-dar ke hairan hain wallah

har aan judai se pareshan hain wallah

chheDo na mujhe yaro koi soKHta-dil ko

hum apni miyan jaan se be-jaan hain wallah

jab apni KHabar mujh ko nahin hai ki main kya hun

haiwan se bad-tar hamin insan hain wallah

kya hum ko bhala aashiq-e-majnun ki KHabar hai

hum aap hi bargashta-o-viran hain wallah

jab yar ko mushtaq ki milne ki gharaz ho

phir hum ko sabhi manzilen aasan hain wallah

hai kaun jo karata nahin KHaliq ki parastish

hum kahte hain hum sahib-e-quran hain wallah

miran shah wo har shan mein benam-o-nishan hai

hum kya hain yunhi be-sar-o-saman hain wallah