ہم عشق میں دل دار کے حیران ہیں واللہ

ہم عشق میں دل دار کے حیران ہیں واللہ

ہر آن جدائی سے پریشان ہیں واللہ

چھیڑو نہ مجھے یارو کوئی سوختہ دل کو

ہم اپنی میاں جان سے بے جان ہیں واللہ

جب اپنی خبر مجھ کو نہیں ہے کہ میں کیا ہوں

حیوان سے بد تر ہمیں انسان ہیں واللہ

کیا ہم کو بھلا عاشق مجنوں کی خبر ہے

ہم آپ ہی برگشتہ و ویران ہیں واللہ

جب یار کو مشتاق کی ملنے کی غرض ہو

پھر ہم کو سبھی منزلیں آسان ہیں واللہ

ہے کون جو کرتا نہیں خالق کی پرستش

ہم کہتے ہیں ہم صاحب قرآن ہیں واللہ

میراں شاہ وہ ہر شان میں بے نام و نشاں ہے

ہم کیا ہیں یونہی بے سر و سامان ہیں واللہ