yaad aati hai mujhe ai yar dildari teri

yaad aatī hai mujhe ai yaar dildārī terī

vo nidā-e-kHudi-alastī ḳhaas guftārī terī

shauq meñ aakar tujhe ham ne kahā qālū-balā

vā'ada-e-lā-taqnatū ke saath ġham-ḳhvārī terī

aap apne husn par pahle mujhe shaidā kiyā

ab nahīñ vo mehrbānī kyā huī yaarī terī

ishq ne phūñkā hai merā tan-badan ai be-niyāz

is pe bhī yaad aatī hai pahlī vafādārī terī

tursh-rū ho kar mujhe dete ho badnāmī miyāñ

qand se shīrīñ hai ai nāzuk-badan gaarī terī

maiñ nahīñ huuñ tuuhī tū hai ai sanam terī qasam

phir bhalā kis par huī jaur-o-sitam-gārī terī

yā nabī ḳhud aap kā hai ā'ashiq-o-shaidā ḳhudā

ḳhud ḳhudā hī kar rahā hai nāz-bardārī terī

yā mohammad 'mīrāñ' shaah kī aarzū manzūr ho

dam-ba-dam karatā rahūñ sifat-o-sanā-dārī terī

yaad aati hai mujhe ai yar dildari teri

wo nida-e-kHudi-alasti KHas guftari teri

shauq mein aakar tujhe hum ne kaha qalu-bala

wa'ada-e-la-taqnatu ke sath gham-KHwari teri

aap apne husn par pahle mujhe shaida kiya

ab nahin wo mehrbani kya hui yari teri

ishq ne phunka hai mera tan-badan ai be-niyaz

is pe bhi yaad aati hai pahli wafadari teri

tursh-ru ho kar mujhe dete ho badnami miyan

qand se shirin hai ai nazuk-badan gari teri

main nahin hun tuhi tu hai ai sanam teri qasam

phir bhala kis par hui jaur-o-sitam-gari teri

ya nabi KHud aap ka hai aa'ashiq-o-shaida KHuda

KHud KHuda hi kar raha hai naz-bardari teri

ya mohammad 'miran' shah ki aarzu manzur ho

dam-ba-dam karata rahun sifat-o-sana-dari teri