jalwa-e-husn-e-kHuda mujhko dikha de sabir

jalva-e-husn-e-kHudā mujh ko dikhā de sābir

apne dīdār se dīvāna banā de sābir

aap ke shauq sivā ġhair kī ulfat na rahī

hai mere dil meñ terā ishq nibhā de sābir

mahv rahte ho sadā zāt-e-ḳhudā meñ maulā

apne mai-ḳhāna se ik jaam pilā de sābir

aarzū gañj-e-shakar se hai merī shām-o-sahar

mere maulā na kahīñ mujh ko bhulā de sābir

rāhat-e-jān-e- nabī nūr-e-do-chashmāñ-e-alī

shah-e-jīlāñ ke jigar dil kī davā de sābir

mīrāñ shaah kyuuñ na ho mashkūr terā dil se miyāñ

mujh ko shīrīñ suḳhanī apnī sunā de sābir

jalwa-e-husn-e-kHuda mujh ko dikha de sabir

apne didar se diwana bana de sabir

aap ke shauq siwa ghair ki ulfat na rahi

hai mere dil mein tera ishq nibha de sabir

mahw rahte ho sada zat-e-KHuda mein maula

apne mai-KHana se ek jam pila de sabir

aarzu ganj-e-shakar se hai meri sham-o-sahar

mere maula na kahin mujh ko bhula de sabir

rahat-e-jaan-e- nabi nur-e-do-chashman-e-ali

shah-e-jilan ke jigar dil ki dawa de sabir

miran shah kyun na ho mashkur tera dil se miyan

mujh ko shirin suKHani apni suna de sabir