jamal-e-KHuda ki hamein aarzu hai

jamāl-e-ḳhudā kī hameñ aarzū hai

vo zāt-e-baqā kī hameñ aarzū hai

kiyā nuur apne se nūr-e-mohammad

sadā mustafā kī hameñ aarzū hai

tumheñ zāhido hūr-o-ġhilmāñ mubārak

jo kHair-ul-varā kī hameñ aarzū hai

tajassus meñ haiñ kHizr-o-ilyās jis kī

usī rahnumā kī hameñ aarzū hai

ayaañ jis kā jalva hai arz-o-samāñ meñ

usī mah-laqā kī hameñ aarzū hai

haiñ ba.ad az nabī sab ke muḳhtār mālik

to mushkil-kushā kī hameñ aarzū hai

yahāñ jis ne ḳhaibar ke dar ko ukhāḌā

alī murtazā kī hameñ aarzū hai

jise saif-e-burrāñ ḳhudā ne atā kī

shah-e-lā-fatā kī hameñ aarzū hai

kiyā jis ne sajda meñ sar nazr-e-allah

shah-e-karbalā kī hameñ aarzū hai

zah-e-shān-e-mahbūb-e-haq ġhaus-e-āzam

usī auliyā kī hameñ aarzū hai

vo gañj-e-shakar qutub-e-haq fard-e-a.alam

usī chishtiyāñ kī hameñ aarzū hai

jo maḳhdūm sābir haiñ kaliyar ke bāshī

usī dil-kushā kī hameñ aarzū hai

maiñ huuñ mīrāñ shaah pīr-e- chishtī ke qurbāñ

usī peshvā kī hameñ aarzū hai

jamal-e-KHuda ki hamein aarzu hai

wo zat-e-baqa ki hamein aarzu hai

kiya nur apne se nur-e-mohammad

sada mustafa ki hamein aarzu hai

tumhein zahido hur-o-ghilman mubarak

jo kHair-ul-wara ki hamein aarzu hai

tajassus mein hain kHizr-o-ilyas jis ki

usi rahnuma ki hamein aarzu hai

ayan jis ka jalwa hai arz-o-saman mein

usi mah-laqa ki hamein aarzu hai

hain baad az nabi sab ke muKHtar malik

to mushkil-kusha ki hamein aarzu hai

yahan jis ne KHaibar ke dar ko ukhaDa

ali murtaza ki hamein aarzu hai

jise saif-e-burran KHuda ne ata ki

shah-e-la-fata ki hamein aarzu hai

kiya jis ne sajda mein sar nazr-e-allah

shah-e-karbala ki hamein aarzu hai

zah-e-shan-e-mahbub-e-haq ghaus-e-azam

usi auliya ki hamein aarzu hai

wo ganj-e-shakar qutub-e-haq fard-e-alam

usi chishtiyan ki hamein aarzu hai

jo maKHdum sabir hain kaliyar ke bashi

usi dil-kusha ki hamein aarzu hai

main hun miran shah pir-e- chishti ke qurban

usi peshwa ki hamein aarzu hai