mere hosh mein wo Thahre na kabhi phir hosh ke din hi bit gae

mire hosh meñ vo Thahre na kabhī phir hosh ke din hī biit ga.e

vo aa.e ga.e to bahut lekin be-rut aa.e be-rīt ga.e

anjān se the ham tum donoñ phir ham tum donoñ ek hue

ab ye bhī nahīñ aur vo bhī nahīñ donoñ hī zamāne biit ga.e

koī aur tarāna ai mutrib ab in gītoñ ko kyā gaanā

vo dhun badlī vo sur badle vo saaz haTe vo giit ga.e

ab milne par kyā pachhtāvā kuchh tum bhī jhuke kuchh ham bhī jhuke

haare to donoñ haar ga.e jiite to donoñ jiit ga.e

duniyā khoī maz.hab chhoḌā kyā ḳhuub mohabbat kī 'maikash'

achchhe the vahī jo is duniyā meñ aa.e aur bin-prīt ga.e

mere hosh mein wo Thahre na kabhi phir hosh ke din hi bit gae

wo aae gae to bahut lekin be-rut aae be-rit gae

anjaan se the hum tum donon phir hum tum donon ek hue

ab ye bhi nahin aur wo bhi nahin donon hi zamane bit gae

koi aur tarana ai mutrib ab in giton ko kya gana

wo dhun badli wo sur badle wo saz haTe wo git gae

ab milne par kya pachhtawa kuchh tum bhi jhuke kuchh hum bhi jhuke

haare to donon haar gae jite to donon jit gae

duniya khoi mazhab chhoDa kya KHub mohabbat ki 'maikash'

achchhe the wahi jo is duniya mein aae aur bin-prit gae