mere qasid ko KHuda ke liye ghamnak na kar

mire qāsid ko ḳhudā ke liye ġhamnāk na kar

dekh ke ḳhat ko mire garm na ho chaak na kar

elchī se nahīñ hotā hai koī āzurda

nā-ḳhushī us se to ai zālim-e-saffāk na kar

hoñge ushshāq qiyāmat meñ tire dāman-gīr

duur dāman se bahut gardish-e-aflāk na kar

gard ho kab se maiñ lipTā huuñ tire dāman meñ

jhaaḌ dāman ko na barbād mire ḳhaak na kar

jī to āshiq ke chale jaate haiñ hamrāh rikāb

dekh gulgūñ ko bahut tund-o-chālāk na kar

paḌ ga.ī hogī kahīñ riñd ke ghar duḳhtar-e-raz

mohtasib us kī bahut justajū-o-tāk na kar

is qadar us pe na de jaan kahā maan 'turāb'

muñh lagā bahut na us shoḳh ko be-bāk na kar

mere qasid ko KHuda ke liye ghamnak na kar

dekh ke KHat ko mere garm na ho chaak na kar

elchi se nahin hota hai koi aazurda

na-KHushi us se to ai zalim-e-saffak na kar

honge ushshaq qiyamat mein tere daman-gir

dur daman se bahut gardish-e-aflak na kar

gard ho kab se main lipTa hun tere daman mein

jhaD daman ko na barbaad mere KHak na kar

ji to aashiq ke chale jate hain hamrah rikab

dekh gulgun ko bahut tund-o-chaalak na kar

paD gai hogi kahin rind ke ghar duKHtar-e-raz

mohtasib us ki bahut justaju-o-tak na kar

is qadar us pe na de jaan kaha man 'turab'

munh laga bahut na us shoKH ko be-bak na kar