kisi but ko dil mein chhupane se hasil

kisī but ko dil meñ chhupāne se hāsil

sanam-ḳhāna ka.aba banāne se hāsil

sunā kar vo mujh ko raqīboñ se bole

ki ġhairoñ kī mahfil meñ jaane se hāsil

vo zālim hai be-dard saffāk-qātil

use dard dil kā sunāne se hāsil

na pahuñche jo ye tiir bāb-e-asar tak

to dast-e-duā phir uThāne se hāsil

na barbād kar ziist hai chand roza

abas bār-e-ulfat uThāne se hāsil

jo aajiz ho ḳhud jaan se apnī ai jaañ

batāo use kyā satāne se hāsil

jo dekhā hai qāsid vahāñ jā ke kahnā

ye thā haal tujhko dikhāne se hāsil

ḳhudā bhī usī kī taraf hogā be-shak

qayāmat meñ kyā hogā jaane se hāsil

hoñ ab aur do ik shahīd-e-mohabbat

ye hai us kā mehñdī lagāne se hāsil

shikār-e-ajal ho gayā dam meñ qārūñ

use kab huā kuchh ḳhazāne se hāsil

ye zulm-o-jafā-o-sitam kis liye hai

jalāne satāne rulāne se hāsil

na ai dil kabhī ishq karnā butoñ se

musībat meñ dil ko phañsāne se hāsil

na aa.egā rahm be-dard hai vo

nahīñ dard-e-dil kuchh sunāne se hāsil

na shāna hilāo ki sotā hai 'mannan'

lahad meñ use kyā satāne hāsil

kisi but ko dil mein chhupane se hasil

sanam-KHana kaba banane se hasil

suna kar wo mujh ko raqibon se bole

ki ghairon ki mahfil mein jaane se hasil

wo zalim hai be-dard saffak-qatil

use dard dil ka sunane se hasil

na pahunche jo ye tir bab-e-asar tak

to dast-e-dua phir uThane se hasil

na barbaad kar zist hai chand roza

abas bar-e-ulfat uThane se hasil

jo aajiz ho KHud jaan se apni ai jaan

batao use kya satane se hasil

jo dekha hai qasid wahan ja ke kahna

ye tha haal tujhko dikhane se hasil

KHuda bhi usi ki taraf hoga be-shak

qayamat mein kya hoga jaane se hasil

hon ab aur do ek shahid-e-mohabbat

ye hai us ka mehndi lagane se hasil

shikar-e-ajal ho gaya dam mein qarun

use kab hua kuchh KHazane se hasil

ye zulm-o-jafa-o-sitam kis liye hai

jalane satane rulane se hasil

na ai dil kabhi ishq karna buton se

musibat mein dil ko phansane se hasil

na aaega rahm be-dard hai wo

nahin dard-e-dil kuchh sunane se hasil

na shana hilao ki sota hai 'mannan'

lahad mein use kya satane hasil