atraf-e-chashm-e-yar mein aasar-e-girya hain

atrāf-e-chashm-e-yār meñ āsār-e-girya haiñ

ruḳhsār-o-lab tamām azā-dār girya haiñ

lab ḳhand se hamārā ilāqa nahīñ koī

ham-sar kHush-malāl haiñ sarshār girya haiñ

sahrā-e-qahqaha meñ ġhanīmat samajh hameñ

ham shāḳh-sār-e-huzn haiñ gulzār girya haiñ

ham shahar meñ na hoñ to yahāñ qaht-e-ashk ho

sar-gashtagāñ hī garmī-e-bāzār girya haiñ

aisā nahīñ ki maañg hī us jins kī nahīñ

kuchh log āj-kal bhī kHarīdār-e-girya haiñ

ham tak pahuñch ga.e ho to ronā hai nā-guzīr

ham ḳhānqāh-e-ishq meñ dīvār-e-girya haiñ

mizgān-o-chashm-o-ashk se haT kar bhī girya hai

tashrīh kyā kareñ ki ye isrār-e-girya haiñ

atraf-e-chashm-e-yar mein aasar-e-girya hain

ruKHsar-o-lab tamam aza-dar girya hain

lab KHand se hamara ilaqa nahin koi

ham-sar kHush-malal hain sarshaar girya hain

sahra-e-qahqaha mein ghanimat samajh hamein

hum shaKH-sar-e-huzn hain gulzar girya hain

hum shahar mein na hon to yahan qaht-e-ashk ho

sar-gashtagan hi garmi-e-bazar girya hain

aisa nahin ki mang hi us jins ki nahin

kuchh log aaj-kal bhi kHaridar-e-girya hain

hum tak pahunch gae ho to rona hai na-guzir

hum KHanqah-e-ishq mein diwar-e-girya hain

mizgan-o-chashm-o-ashk se haT kar bhi girya hai

tashrih kya karen ki ye israr-e-girya hain