mohabbat mein jo koi hote hain sadiq

mohabbat meñ jo koī hote haiñ sādiq

unhīñ par hote haiñ ma.ashūq āshiq

muḳhālif phir hamārā kyā karegā

huā jab yaar hī ham se muāfiq

nahīñ karne kā ab va.ada-ḳhilāfī

kiyā hai us ne ham se ahd-e-vāsiq

dikhāo yaaro mire dil ko le jaake

tabīboñ meñ agar ho koī hāziq

visāl us kā kisī din hogā suniyo

judā.ī kā maraz hai jis ko lāhiq

galī se yaar kī bāhar kahāñ jaa.e

ki hai vo jannat-ul-māvā-e-āshiq

'turāb' us kī tavajjoh kab idhar ho

kahāñ ma.ashūq ko parvā-e-āshiq

mohabbat mein jo koi hote hain sadiq

unhin par hote hain mashuq aashiq

muKHalif phir hamara kya karega

hua jab yar hi hum se muafiq

nahin karne ka ab wada-KHilafi

kiya hai us ne hum se ahd-e-wasiq

dikhao yaro mere dil ko le jake

tabibon mein agar ho koi haziq

visal us ka kisi din hoga suniyo

judai ka maraz hai jis ko lahiq

gali se yar ki bahar kahan jae

ki hai wo jannat-ul-mawa-e-ashiq

'turab' us ki tawajjoh kab idhar ho

kahan mashuq ko parwa-e-ashiq