Sufinama

ghazab hai tera ek nazar dekh lena

Akbar Warsi Meerthi

ghazab hai tera ek nazar dekh lena

Akbar Warsi Meerthi

MORE BYAkbar Warsi Meerthi

    ġhazab hai tirā ik nazar dekh lenā

    qayāmat na ho fitna-gar dekh lenā

    sambhālo to tum apnī teġh-e-adā ko

    mirī jāñ-dehī ke hunar dekh lenā

    mirā kushta honā tirī chashm-poshī

    jalānā mirā ik nazar dekh lenā

    yahī sar-kashī hai agar terī zālim

    kaTā deñge ham apnā sar dekh lenā

    hai bārīk tār-e-nazar se ziyāda

    dikhā.ī na degī kamar dekh lenā

    judā.ī meñ lab ḳhushk haiñ chashm tar haiñ

    idhar bhī shah-e-bahr-o-bar dekh lenā

    hai ye taur āñkhoñ furqat meñ terī

    idhar dekh lenā udhar dekh lenā

    maiñ chhuT jā.uñgā bāz-purs-e-amal se

    ināyat se tum ik nazar dekh lenā

    biThā.eñge āñkhoñ meñ dil meñ tujhe ham

    pasand aa.e jo tujh ko ghar dekh lenā

    jalā kar ai sham.a ik dil-jale ko

    jalegī sadā tā-sahar dekh lenā

    zamīñ par paTak degī ai charḳh tujh ko

    ye āh-e-sarī.a-ul-asar dekh lenā

    na pūchho pata 'akbar'-e-ġham-zada

    kahīñ hogā thāme jigar dekh lenā

    ghazab hai tera ek nazar dekh lena

    qayamat na ho fitna-gar dekh lena

    sambhaalo to tum apni tegh-e-ada ko

    meri jaan-dehi ke hunar dekh lena

    mera kushta hona teri chashm-poshi

    jalana mera ek nazar dekh lena

    yahi sar-kashi hai agar teri zalim

    kaTa denge hum apna sar dekh lena

    hai barik tar-e-nazar se ziyaada

    dikhai na degi kamar dekh lena

    judai mein lab KHushk hain chashm tar hain

    idhar bhi shah-e-bahr-o-bar dekh lena

    hai ye taur aankhon ka furqat mein teri

    idhar dekh lena udhar dekh lena

    main chhuT jaunga baz-purs-e-amal se

    inayat se tum ek nazar dekh lena

    biThaenge aankhon mein dil mein tujhe hum

    pasand aae jo tujh ko ghar dekh lena

    jala kar tu ai shama ek dil-jale ko

    jalegi sada ta-sahar dekh lena

    zamin par paTak degi ai charKH tujh ko

    ye aah-e-saria-ul-asar dekh lena

    na puchho pata 'akbar'-e-gham-zada ka

    kahin hoga thame jigar dekh lena

    Source :
    • Book : Riyaz-e-Akbar: Asli Diwan-e-Akbar (Pg. 8)
    • Author : Mohammad Akbar Warsi
    • Publication : Matba Majidi, Meerut
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now