Sufinama

kahun kya ki gulshan-e-dahr mein wo ajab karishme dikha gae

Akbar Warsi Meerthi

kahun kya ki gulshan-e-dahr mein wo ajab karishme dikha gae

Akbar Warsi Meerthi

MORE BYAkbar Warsi Meerthi

    kahūñ kyā ki gulshan-e-dahr meñ vo ajab karishme dikhā ga.e

    kahīñ āshiqoñ ko miTā ga.e kahīñ lan-tarānī sunā ga.e

    kabhī dair-o-ka.aba batā diyā kabhī lā-makāñ patā diyā

    jo ḳhudī ko ham ne miTā diyā to vo apne-āp meñ ga.e

    kahīñ andalīb-e-shumār meñ kahīñ gul haiñ fasl-e-bahār meñ

    kahīñ nuur meñ kahīñ naar meñ vo hazār rañg dikhā ga.e

    jo ḳhudā kahūñ to ḳhudā nahīñ jo judā kahūñ to judā nahīñ

    koī nukta ham se chhupā nahīñ hamīñ pech-o-tāb meñ aa ga.e

    hameñ justujū rahī jā-ba-jā kahīñ terā na milā patā

    kabhī kāshī ke talāsh kabhī darshanoñ ko gayā ga.e

    kahīñ īn-o-āñ kahīñ shoḳhiyāñ kabhī narmiyāñ kabhī garmiyāñ

    kabhī ban ga.e kabhī tan ga.e kabhī chal diye kabhī aa ga.e

    hai ye āshiqoñ fanā baqā kabhī mar gayā kabhī uThā

    kahīñ tirchhī nazroñ ne khā liyā kahīñ ishve aa ke jalā ga.e

    kahīñ husn ban ke qubūl meñ kahīñ rañg ban ke vo phuul meñ

    kahīñ nuur ban ke rasūl meñ vo jamāl apnā dikhā ga.e

    tirī jhūñTī-kūñTī bachī-kuchhī jo milī to 'akbar-e-vārsī'

    vo bhare nasha tarañg meñ ki kahīñ kahīñ sunā ga.e

    kahun kya ki gulshan-e-dahr mein wo ajab karishme dikha gae

    kahin aashiqon ko miTa gae kahin lan-tarani suna gae

    kabhi dair-o-kaba bata diya kabhi la-makan ka pata diya

    jo KHudi ko hum ne miTa diya to wo apne-ap mein pa gae

    kahin andalib-e-shumar mein kahin gul hain fasl-e-bahaar mein

    kahin nur mein kahin nar mein wo hazar rang dikha gae

    jo KHuda kahun to KHuda nahin jo juda kahun to juda nahin

    koi nukta hum se chhupa nahin hamin pech-o-tab mein aa gae

    hamein justuju rahi ja-ba-ja kahin tera hi na mila pata

    kabhi kashi ja ke talash ki kabhi darshanon ko gaya gae

    kahin in-o-an kahin shoKHiyan kabhi narmiyan kabhi garmiyan

    kabhi ban gae kabhi tan gae kabhi chal diye kabhi aa gae

    hai ye aashiqon ki fana baqa kabhi mar gaya kabhi ji uTha

    kahin tirchhi nazron ne kha liya kahin ishwe aa ke jala gae

    kahin husn ban ke qubul mein kahin rang ban ke wo phul mein

    kahin nur ban ke rasul mein wo jamal apna dikha gae

    teri jhunTi-kunTi bachi-kuchhi jo mili to 'akbar-e-warsi'

    wo bhare nasha ki tarang mein ki kahin kahin ki suna gae

    Source :
    • Book : Riyaz-e-Akbar: Asli Diwan-e-Akbar (Pg. 88)
    • Author : Mohammad Akbar Warsi
    • Publication : Matba Majidi, Meerut
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now