doston ko hoti hai dushman ke dushman ki talash

dostoñ ko hotī hai dushman ke dushman kī talāsh

pāk-dāman ko hai rahtī pāk-dāman kī talāsh

hashr meñ hone lagī jab dost dushman kī talāsh

ham ne chhupne ke liye kī shah ke dāman kī talāsh

ab ijāzat dafn kī ho jaa.e to jannat mile

yaar ke kūche meñ ham ne jā-e-madfan kī talāsh

sab tamāshe aap meñ haiñ dekh lo aur chhoḌ do

koh kī taftīsh ban kar fikr-e-gulshan kī talāsh

dekh lo tum apnī āñkheñ chaaT lo apnī zabāñ

kyuuñ hai nargis kī tamannā kyuuñ hai sausan kī talāsh

mere sar ko mere dil ko merī āñkhoñ ko rahe

tire dar kī tere ghar kī tere āñgan kī talāsh

masjidoñ meñ shaiḳh ho ho kar kiyā tujh ko talab

but-kadoñ meñ terī ban ban kar barahman kī talāsh

milne vaalā mil hī jā.egā kabhī 'akbar' kaaro

jaan ko taskīn dil meñ justujū tan kī talāsh

doston ko hoti hai dushman ke dushman ki talash

pak-daman ko hai rahti pak-daman ki talash

hashr mein hone lagi jab dost dushman ki talash

hum ne chhupne ke liye ki shah ke daman ki talash

ab ijazat dafn ki ho jae to jannat mile

yar ke kuche mein hum ne ja-e-madfan ki talash

sab tamashe aap mein hain dekh lo aur chhoD do

koh ki taftish ban kar fikr-e-gulshan ki talash

dekh lo tum apni aankhen chaT lo apni zaban

kyun hai nargis ki tamanna kyun hai sausan ki talash

mere sar ko mere dil ko meri aankhon ko rahe

tere dar ki tere ghar ki tere aangan ki talash

masjidon mein shaiKH ho ho kar kiya tujh ko talab

but-kadon mein teri ban ban kar barahman ki talash

milne wala mil hi jaega kabhi 'akbar' karo

jaan ko taskin dil mein justuju tan ki talash