Sufinama

raaz-e-dil kis ko sunaen raazdan milta nahin

Akbar Warsi Meerthi

raaz-e-dil kis ko sunaen raazdan milta nahin

Akbar Warsi Meerthi

MORE BYAkbar Warsi Meerthi

    rāz-e-dil kis ko sunā.eñ rāzdāñ miltā nahīñ

    jaan jaatī hai ġhazab hai jān-e-jāñ miltā nahīñ

    jis makāñ meñ makīñ hai vo makāñ miltā nahīñ

    justujū meñ gum hue aise nishāñ miltā nahīñ

    ruuh raahī ho ga.ī hai chhoḌ kar jism-e-galī

    ḳhaak uḌtī hai nishān-e-kārvāñ miltā nahīñ

    dāvar-e-mahshar qayāmat hai mirī fariyād hai

    le gayā dil chhīn kar ik dil-sitāñ miltā nahīñ

    tujh se milne batā phir kaun din aa.egā

    iid ko bhī mujh se gar ai merī jaañ miltā nahīñ

    us but-e-nā-mehrbāñ se phir milā de ek baar

    yā-ilāhī koī aisā mehrbāñ miltā nahīñ

    miltā jultā rahtā hai vo aam se aur mujh se ḳhaas

    hāñ-meñ-hāñ miltī nahīñ jab tak nihāñ miltā nahīñ

    bel meñ buuTe meñ phal meñ pattiyoñ meñ phuul meñ

    har chaman meñ us maz.har hai kahāñ miltā nahīñ

    saañs ke chābuk zad ne dam meñ pahuñchāyā adam

    kuchh surāġh-e-tausan-e-umr-e-ravāñ miltā nahīñ

    jaisī chāhe koshisheñ kar vā.iz-e-bātin-ḳharāb

    tere rahne ko to jannat meñ makāñ miltā nahīñ

    kam nahīñ gulshan meñ shabnam gul-badan gul-pairahan

    ġhusl kar mal-mal ke gar āb-e-ravāñ miltā nahīñ

    kis se pūchhūñ shahr-e-ḳhāmoshāñ meñ sab ḳhāmosh haiñ

    ḳhaak miltī hai surāġh-e-raftagāñ miltā nahīñ

    kyā batā.eñ kyā sunā.eñ kyā paḌheñ 'akbar' ġhazal

    koī duniyā meñ suḳhan qadr-dāñ miltā nahīñ

    raaz-e-dil kis ko sunaen raazdan milta nahin

    jaan jati hai ghazab hai jaan-e-jaan milta nahin

    jis makan mein tu makin hai wo makan milta nahin

    justuju mein gum hue aise nishan milta nahin

    ruh rahi ho gai hai chhoD kar jism-e-gali

    KHak uDti hai nishan-e-karwan milta nahin

    dawar-e-mahshar qayamat hai meri fariyaad hai

    le gaya dil chhin kar ek dil-sitan milta nahin

    tujh se milne ka bata phir kaun sa din aaega

    id ko bhi mujh se gar ai meri jaan milta nahin

    us but-e-na-mehrban se phir mila de ek bar

    ya-ilahi koi aisa mehrban milta nahin

    milta julta rahta hai wo aam se aur mujh se KHas

    han-men-han milti nahin jab tak nihan milta nahin

    bel mein buTe mein phal mein pattiyon mein phul mein

    har chaman mein us ka mazhar hai kahan milta nahin

    sans ke chabuk ki zad ne dam mein pahunchaya adam

    kuchh suragh-e-tausan-e-umr-e-rawan milta nahin

    jaisi chahe koshishen kar waiz-e-baatin-KHarab

    tere rahne ko to jannat mein makan milta nahin

    kam nahin gulshan mein shabnam gul-badan gul-pairahan

    ghusl kar mal-mal ke gar aab-e-rawan milta nahin

    kis se puchhun shahr-e-KHamoshan mein sab KHamosh hain

    KHak milti hai suragh-e-raftagan milta nahin

    kya bataen kya sunaen kya paDhen 'akbar' ghazal

    koi duniya mein suKHan ka qadr-dan milta nahin

    Source :
    • Book : Riyaz-e-Akbar: Asli Diwan-e-Akbar (Pg. 43)
    • Author : Mohammad Akbar Warsi
    • Publication : Matba Majidi, Meerut
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now