ye pyar mohabbat ki ramzen ya tum jaano ya hum jaanen

ye pyaar mohabbat kī ramzeñ yā tum jaano yā ham jāneñ

yā tum samjho yā ham samjheñ yā tum jaano yā ham jāneñ

bandoñ se hamāre kah denā jaisā bonā vaisā lenā

jo dī jaa.eñ vo le jaa.eñ yā tum jaano yā ham jāneñ

tahqīq jo qīl-o-qāl huī vo sab misdāq-e-hāl huī

kuchh tum kah do kuchh ham kah deñ yā tum jaano yā ham jāneñ

irfāñ kī jānib ḳhuub ga.e bahr-e-vahdat meñ Duub ga.e

kasrat meñ thiiñ ye sab bāteñ yā tum jaano yā ham jāneñ

qābaqausain o adnā kā jhurmuT maar ke yuuñ bolā

tum ham se milo ham tum se mileñ yā tum jaano yā ham jāneñ

tum ne ham ko pahchān liyā ham ne bhī tum ko jaan liyā

ab ye parde bhī uTh jaa.eñ yā tum jaano yā ham jāneñ

jo dekhnā thā vo dekh liyā jo sunñā thā vo sun hī liyā

ab jo jāneñ vo pahchāneñ yā tum jaano yā ham jāneñ

'akbar' ab hosh meñ aa jaao bas bas na ziyāda kahalvāo

asrār-e-haqīqat kī bāteñ yā tum jaano yā ham jāneñ

ye pyar mohabbat ki ramzen ya tum jaano ya hum jaanen

ya tum samjho ya hum samjhen ya tum jaano ya hum jaanen

bandon se hamare kah dena jaisa bona waisa lena

jo di jaen wo le jaen ya tum jaano ya hum jaanen

tahqiq jo qil-o-qal hui wo sab misdaq-e-haal hui

kuchh tum kah do kuchh hum kah den ya tum jaano ya hum jaanen

irfan ki jaanib KHub gae bahr-e-wahdat mein Dub gae

kasrat mein thin ye sab baaten ya tum jaano ya hum jaanen

qabaqausain o adna ka jhurmuT mar ke yun bola

tum hum se milo hum tum se milen ya tum jaano ya hum jaanen

tum ne hum ko pahchan liya hum ne bhi tum ko jaan liya

ab ye parde bhi uTh jaen ya tum jaano ya hum jaanen

jo dekhna tha wo dekh liya jo sunna tha wo sun hi liya

ab jo jaanen wo pahchanen ya tum jaano ya hum jaanen

'akbar' ab hosh mein aa jao bas bas na ziyaada kahalwao

asrar-e-haqiqat ki baaten ya tum jaano ya hum jaanen