izhaar-e-gham-e-hasti had se na guzar jae

iz.hār-e-ġham-e-hastī had se na guzar jaa.e

aisā na ho jiine kā ehsās bhī mar jaa.e

hālāt ke tūfān meñ kashtī hai ummīdoñ kī

Takrā ke thapeḌoñ se kyā jaane kidhar jaa.e

aise kisī saaya meñ so jaane se kyā hāsil

jab niiñd zarā TuuTe har ḳhvāb bikhar jaa.e

qismat ko bhī kyā koī tum zulf samajhte ho

jab chāho bikhar jaa.e jab chāho sañvar jaa.e

har rahrav-e-manzil ko 'shādāb' ye lāzim hai

uljhe na kahīñ dāman kāñToñ se guzar jaa.e

izhaar-e-gham-e-hasti had se na guzar jae

aisa na ho jine ka ehsas bhi mar jae

haalat ke tufan mein kashti hai ummidon ki

Takra ke thapeDon se kya jaane kidhar jae

aise kisi saya mein so jaane se kya hasil

jab nind zara TuTe har KHwab bikhar jae

qismat ko bhi kya koi tum zulf samajhte ho

jab chaho bikhar jae jab chaho sanwar jae

har rahraw-e-manzil ko 'shadab' ye lazim hai

uljhe na kahin daman kanTon se guzar jae