har ada unki harif shab-e-tanhai hai

har adā un kī harīf shab-e-tanhā.ī hai

vaqt hālāt kā ḳhāmosh tamāshā.ī hai

husn be-parda hai aur chashm-e-tamāshā.ī hai

aaj duniyā-e-mohabbat meñ bahār aa.ī hai

is tarah nazroñ se dil miltā hai dil se nazreñ

jaise in donoñ meñ muddat se shanāsā.ī hai

āfiyat soz-e-junūñ anjuman-ārā hai udhar

apne jalvoñ meñ idhar a.alam-e-tanhā.ī hai

aañkh malte hue aur ḳhvāb se uThne vaale

jaan le lī mirī ye bhī koī añgḌā.ī hai

zindagī meñ bhī rahī saath rafīqoñ kī tarah

ba.ad marne ke bhī monis shab-e-tanhā.ī hai

dekhiye ab na kahīñ ahd vafā kā TuuTe

aap ne apnī javānī kī qasam khaa.ī hai

raah lag apnī tū ai josh-e-bahār-e-ummīd

dil ko marġhūb mire ālam-e-tanhā.ī hai

har ada un ki harif shab-e-tanhai hai

waqt haalat ka KHamosh tamashai hai

husn be-parda hai aur chashm-e-tamashai hai

aaj duniya-e-mohabbat mein bahaar aai hai

is tarah nazron se dil milta hai dil se nazren

jaise in donon mein muddat se shanasai hai

aafiyat soz-e-junun anjuman-ara hai udhar

apne jalwon mein idhar aalam-e-tanhai hai

aankh malte hue aur KHwab se uThne wale

jaan le li meri ye bhi koi angDai hai

zindagi mein bhi rahi sath rafiqon ki tarah

baad marne ke bhi monis shab-e-tanhai hai

dekhiye ab na kahin ahd wafa ka TuTe

aap ne apni jawani ki qasam khai hai

rah lag apni tu ai josh-e-bahaar-e-ummid

dil ko marghub mere aalam-e-tanhai hai