jab zindagi-o-maut ka hasil nahin malum

jab zindagī-o-maut kā hāsil nahīñ ma.alūm

be-jā ye shikāyat hai ki manzil nahīñ ma.alūm

maiñ muntazir diid huuñ ai maut Thahar jā

tujh ko abhī shāyad mirī shakl nahīñ ma.alūm

tūfān-e-mohabbat se abhī khel rahā huuñ

duniyā ye samajhtī hai ki sāhil nahīñ ma.alūm

vāraftagī-e-shauq ne gum kar diyā aisā

manzil ke talab-gār ko manzil nahīñ ma.alūm

shāyad ki use bhī ho rihā.ī kī tamannā

jis ko sabab-e-tauq-o-salāsil nahīñ ma.alūm

jab zindagi-o-maut ka hasil nahin malum

be-ja ye shikayat hai ki manzil nahin malum

main muntazir did hun ai maut Thahar ja

tujh ko abhi shayad meri shakl nahin malum

tufan-e-mohabbat se abhi khel raha hun

duniya ye samajhti hai ki sahil nahin malum

waraftagi-e-shauq ne gum kar diya aisa

manzil ke talab-gar ko manzil nahin malum

shayad ki use bhi ho rihai ki tamanna

jis ko sabab-e-tauq-o-salasil nahin malum