mujhe dar se apne tu Tale hai ye bata mujhe tu kahan nahin

mujhe dar se apne tū Taale hai ye batā mujhe tū kahāñ nahīñ

koī aur bhī hai tire sivā tū agar nahīñ to jahāñ nahīñ

paḌī jis taraf ko nigāh yaañ nazar aa gayā hai ḳhudā hī vaañ

ye haiñ go ki āñkhoñ kī putliyāñ mire dil meñ jā-e-butāñ nahīñ

mire dil ke shīshe ko bevafā tū ne TukḌe TukḌe hī kar diyā

mire paas to vahī ek thā yaañ dukān-e-shīsha-garāñ nahīñ

mujhe raat saarī hī tere haañ kaTe kyuuñ ki rote na sham.a saañ

ki ho sake hai kuchh ab bayāñ na ye baat hai ki zabāñ nahīñ

koī samjhe kyuuñ ki ye mudda.ā ki pahelī sā hai ye mājrā

kahā maiñ tujhe nahīñ chaah kyā lagā kahne mujh se ki haañ nahīñ

na milā hameñ koī nukta-dāñ ye bipat sunā deñ bhalā kahāñ

na huā sabhoñ pe vahī ayaañ jo kasū se yaañ to nihāñ nahīñ

tujhe dard kyuuñ ki sunā.ūñ maiñ na ḳhudā kisī ko dikhā.e ye

jo kuchh apne jī pe guzartī hai kahūñ kyā ki us kā bayāñ nahīñ

mujhe dar se apne tu Tale hai ye bata mujhe tu kahan nahin

koi aur bhi hai tere siwa tu agar nahīñ to jahan nahin

paDi jis taraf ko nigah yan nazar aa gaya hai KHuda hi wan

ye haiñ go ki aankhon ki putliyan mere dil mein ja-e-butan nahin

mere dil ke shishe ko bewafa tu ne TukDe TukDe hi kar diya

mere pas to wahi ek tha yan dukan-e-shisha-garan nahin

mujhe raat sari hi tere han kaTe kyun ki rote na shama san

ki ho sake hai kuchh ab bayan na ye baat hai ki zaban nahin

koi samjhe kyun ki ye muddaa ki paheli sa hai ye majra

kaha main tujhe nahīñ chah kya laga kahne mujh se ki han nahin

na mila hamein koi nukta-dan ye bipat suna den bhala kahan

na hua sabhon pe wahi ayan jo kasu se yan to nihan nahin

tujhe dard kyun ki sunaun main na KHuda kisi ko dikhae ye

jo kuchh apne ji pe guzarti hai kahun kya ki us ka bayan nahin