aap to dil mein utarte hi chale jate hain

aap to dil meñ utarte hī chale jaate haiñ

soch ke rañg nikharte hī chale jaate haiñ

ishq ne jin ke diloñ ko bhī banāyā maskan

un ke andāz sañvarte hī chale jaate haiñ

ek lamhe kī mulāqāt kī ḳhush-fahmī meñ

sāl-hā-sāl guzarte hī chale jaate haiñ

jab se ham un kī rifāqat meñ chale haiñ tab se

tai baḌī manzileñ karte hī chale jaate haiñ

zindagānī ko pur-ummīd banāyā jaa.e

roz-o-shab yuuñ bhī guzarte hī chale jaate haiñ

un kī ik nazar-e-'ināyat kī badaulat ham bhī

har na.ī aan sañvarte hī chale jaate haiñ

ye suḳhan-var haiñ jo 'mumtāz' ka.ī sadiyoñ se

pyaar afkār meñ bharte hī chale jaate haiñ

aap to dil mein utarte hi chale jate hain

soch ke rang nikharte hi chale jate hain

ishq ne jin ke dilon ko bhi banaya maskan

un ke andaz sanwarte hi chale jate hain

ek lamhe ki mulaqat ki KHush-fahmi mein

sal-ha-sal guzarte hi chale jate hain

jab se hum un ki rifaqat mein chale hain tab se

tai baDi manzilen karte hi chale jate hain

zindagani ko pur-ummid banaya jae

roz-o-shab yun bhi guzarte hi chale jate hain

un ki ek nazar-e-'inayat ki badaulat hum bhi

har nai aan sanwarte hi chale jate hain

ye suKHan-war hain jo 'mumtaz' kai sadiyon se

pyar afkar mein bharte hi chale jate hain