Sufinama

dard jab tak ki la-dawa na hua

Bismil Lakhnavi

dard jab tak ki la-dawa na hua

Bismil Lakhnavi

MORE BYBismil Lakhnavi

    dard jab tak ki lā-davā na huā

    zindagī bhī aasrā na huā

    hausle se jo baḌh gayā mere

    kabhī puurā vo mudda.ā na huā

    husn-e-vahdat ke sab karishme haiñ

    ek shakl dūsrā na huā

    kab se ham jis ke intizār meñ haiñ

    hashr vo aaj tak bapā na huā

    juzv kul se na mil sakā chhuT kar

    banda banda rahā ḳhudā na huā

    bāġh-e-fitrat meñ phir bahār aa.ī

    zard patā magar harā na huā

    maut aur zindagī meñ rabt hai kyuuñ

    aaj tak tai ye mas.ala na huā

    mujh se 'bismil' ke vāste shab-e-ġham

    kyā huā kyā batā.ūñ kyā na huā

    dard jab tak ki la-dawa na hua

    zindagi ka bhi aasra na hua

    hausle se jo baDh gaya mere

    kabhi pura wo muddaa na hua

    husn-e-wahdat ke sab karishme hain

    ek ki shakl dusra na hua

    kab se hum jis ke intizar mein hain

    hashr wo aaj tak bapa na hua

    juzw kul se na mil saka chhuT kar

    banda banda raha KHuda na hua

    bagh-e-fitrat mein phir bahaar aai

    zard pata magar hara na hua

    maut aur zindagi mein rabt hai kyun

    aaj tak tai ye masala na hua

    mujh se 'bismil' ke waste shab-e-gham

    kya hua kya bataun kya na hua

    Source :
    • Book : Tazkira-e-shora-e-Uttar Pradesh Voll.X (Pg. 89)
    • Author : Irfan Abbasi
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now