musa ne jise jalwa-numa tur se dekha

muusā ne jise jalva-numā tuur se dekhā

kal-barq use maiñ ne bhī kal duur se dekhā

gar vo na dikhātā to use dekhte kyā ham

us nuur ko ham ne to isī nuur se dekhā

ik tarah kā hove to kisī se kahūñ tārīf

sau tarah kā naaz us but-e-maġhrūr se dekhā

kab husn meñ ho hūr-o-parī us ke muqābil

us rashk-e-parī ko to pare huur se dekhā

ham ko to bahut rañj dabe ishq meñ dal ne

kyā kyā na turāb is dal ranjūr se dekhā

musa ne jise jalwa-numa tur se dekha

kal-barq use main ne bhi kal dur se dekha

gar wo na dikhata to use dekhte kya hum

us nur ko hum ne to isi nur se dekha

ek tarah ka howe to kisi se kahun tarif

sau tarah ka naz us but-e-maghrur se dekha

kab husn mein ho hur-o-pari us ke muqabil

us rashk-e-pari ko to pare hur se dekha

hum ko to bahut ranj dabe ishq mein dal ne

kya kya na turab is dal ranjur se dekha