agar dhoke se be-parda wo parda-dar ho jae

agar dhoke se be-parda vo parda-dār ho jaa.e

to phir duniyā meñ dīvāna har ik hushyār ho jaa.e

bhale se aag lag jaa.e nasheman ko mere lekin

naqāb-e-ruḳh ulaT do ab zarā dīdār ho jaa.e

nazar bhar ke jise tum dekh lo in mast nazroñ se

Thikāna uskā mai-ḳhāna ho vo mai-ḳhvār ho jaa.e

haqīqat kā'ba-o-but-ḳhāna kī koī batā.e kyā

ye vo jāneñ jo chashm-e-yār kā bīmār ho jaa.e

hazāroñ bijliyāñ kaḌke uThe tūfān kitne hī

mehrbāñ tum ho jis beḌe ke beḌā paar ho jaa.e

tumhārā ye parī-vash husn sāheb kyā kaheñ is ko

musalmāñ dekh le to sāhib-e-zunnār ho jaa.e

ye rāh-e-'ishq hai yaañ sar diye jaate haiñ nazrāne

jo sar dede ḳhushī se bas vahī sardār ho jaa.e

ḳhudā dushman ko bhī mahfūz rakkhe 'ishq-bāzī se

koī be-bas koī be-kas koī lāchār ho jaa.e

'muzammil' haañ jo dīvāna thā dīvāna tumhārā vo

use dīvāna aa dekhe to ab hushiyār ho jaa.e

agar dhoke se be-parda wo parda-dar ho jae

to phir duniya mein diwana har ek hushyar ho jae

bhale se aag lag jae nasheman ko mere lekin

naqab-e-ruKH ulaT do ab zara didar ho jae

nazar bhar ke jise tum dekh lo in mast nazron se

Thikana uska mai-KHana ho wo mai-KHwar ho jae

haqiqat ka'ba-o-but-KHana ki koi batae kya

ye wo jaanen jo chashm-e-yar ka bimar ho jae

hazaron bijliyan kaDke uThe tufan kitne hi

mehrban tum ho jis beDe ke beDa par ho jae

tumhaara ye pari-wash husn saheb kya kahen is ko

musalman dekh le to sahib-e-zunnar ho jae

ye rah-e-'ishq hai yan sar diye jate hain nazrane

jo sar dede KHushi se bas wahi sardar ho jae

KHuda dushman ko bhi mahfuz rakkhe 'ishq-bazi se

koi be-bas koi be-kas koi lachaar ho jae

'muzammil' han jo diwana tha diwana tumhaara wo

use diwana aa dekhe to ab hushiyar ho jae