hasraton se takte hain diwar-o-dar ko baam ko

hasratoñ se takte haiñ dīvār-o-dar ko baam ko

vo nā aa.e intizāreñ aan pahuñchī shaam ko

mai-kade kī sāqī-e-mastāñ ke dam se hai bahār

varna kyā mai aur miinā kyā kareñge jaam ko

āgahī detī hai ek taaza ḳhabar har gaam pe

aur junūñ Thukrātā jaatā hai har ek paiġhām ko

tum nahīñ loge ḳhabar ye ho chukā dil ko yaqīñ

de rahā hai dil tasallī haañ mujhe bas naam ko

ulTe pāvauñ phir ga.ī āḳhir hamāre sahn se

jab diyā unkā havāla gardish-e-ayyām ko

vā’iz-e-nādān pe khul jaa.e rah-e-’irfāñ kā baab

bā-adab gar dast-e-sāqī se pakaḌ le jaam ko

allāh allāh ye tasarruf ye bulandī ye kamāl

do du.’a.eñ sāqī-e-barkat ke faiz-e-'ām ko

thā kabhī pahle ‘muzammil’ mubtalā us shoḳh kā

haaye nākāmī-e-ulfat ab rahā bas naam ko

hasraton se takte hain diwar-o-dar ko baam ko

wo na aae intizaren aan pahunchi sham ko

mai-kade ki saqi-e-mastan ke dam se hai bahaar

warna kya mai aur mina kya karenge jam ko

aagahi deti hai ek taza KHabar har gam pe

aur junun Thukraata jata hai har ek paigham ko

tum nahin loge KHabar ye ho chuka dil ko yaqin

de raha hai dil tasalli han mujhe bas nam ko

ulTe pawaun phir gai aaKHir hamare sahn se

jab diya unka hawala gardish-e-ayyam ko

wa’iz-e-nadan pe khul jae rah-e-’irfan ka bab

ba-adab gar dast-e-saqi se pakaD le jam ko

allah allah ye tasarruf ye bulandi ye kamal

do du’aen saqi-e-barkat ke faiz-e-'am ko

tha kabhi pahle ‘muzammil’ mubtala us shoKH ka

haye nakaami-e-ulfat ab raha bas nam ko