chaman-e-mohabbat-o-ishq mein kai sal KHub faza rahi

chaman-e-mohabbat-o-ishq meñ ka.ī saal ḳhuub fazā rahī

magar us ne aañkh jo pher lī na gul rahe na havā rahī

na idhar zauq-e-sitam rahā na udhar se shikva-e-ġham rahā

vo zamāna ḳhvāb sā ho gayā na jafā rahī na vafā rahī

ye huā natīja-e-āshiqī ke taḌap ke jaan nikal ga.ī

na vo ġham rahā na vo dam rahā na maraz rahā na davā rahī

jo zamāna pahle guzar gayā vo zamāna phir nahīñ aa sakā

mirī jaañ kisī ne ye sach kahā ki jahāñ meñ kis kī sadā rahī

ye zamāna 'muztar'-e-be-navā faqat ik ḳhvāb-o-ḳhayāl thā

ye miTā to kuchh bhī nahīñ rahā jo rahī to zāt-e-ḳhudā rahī

chaman-e-mohabbat-o-ishq mein kai sal KHub faza rahi

magar us ne aankh jo pher li na gul rahe na hawa rahi

na idhar zauq-e-sitam raha na udhar se shikwa-e-gham raha

wo zamana KHwab sa ho gaya na jafa rahi na wafa rahi

ye hua natija-e-ashiqi ke taDap ke jaan nikal gai

na wo gham raha na wo dam raha na maraz raha na dawa rahi

jo zamana pahle guzar gaya wo zamana phir nahīñ aa saka

meri jaan kisi ne ye sach kaha ki jahan mein kis ki sada rahi

ye zamana 'muztar'-e-be-nawa faqat ek KHwab-o-KHayal tha

ye miTa to kuchh bhi nahin raha jo rahi to zat-e-KHuda rahi