چمن محبت و عشق میں کئی سال خوب فضا رہی

چمن محبت و عشق میں کئی سال خوب فضا رہی

مگر اس نے آنکھ جو پھیر لی نہ گل رہے نہ ہوا رہی

نہ ادھر ذوق ستم رہا نہ ادھر سے شکوۂ غم رہا

وہ زمانہ خواب سا ہو گیا نہ جفا رہی نہ وفا رہی

یہ ہوا نتیجۂ عاشقی کے تڑپ کے جان نکل گئی

نہ وہ غم رہا نہ وہ دم رہا نہ مرض رہا نہ دوا رہی

جو زمانہ پہلے گزر گیا وہ زمانہ پھر نہیں آ سکا

مری جاں کسی نے یہ سچ کہا کہ جہاں میں کس کی سدا رہی

یہ زمانہ مضطرؔ بے نوا فقط اک خواب و خیال تھا

یہ مٹا تو کچھ بھی نہیں رہا جو رہی تو ذات خدا رہی