miT gaya dil to teri mauj ka naqsha dekha

miT gayā dil to terī mauj kā naqshā dekhā

ham ne miTTī se ubalte hue dariyā dekhā

ḳhalvat-e-ḳhās meñ milne ko kahā thā tū ne

ham ne barsoñ tahe-madfan terā rastā dekhā

ham ne har shakl se achchhī terī sūrat paa.ī

ham ne har naqsh se achchhā terā naqshā dekhā

mujh ko mil jaaye to tadbīr-e-tasallī pūchhūñ

tū ne jis aañkh se āshiq kā taḌapnā dekhā

yaad rakhnā chaman-e-dahr kī bāteñ 'muztar'

hashr meñ pūchh na baiThe ki kaho kyā dekhā

miT gaya dil to teri mauj ka naqsha dekha

hum ne miTTi se ubalte hue dariya dekha

KHalwat-e-KHas mein milne ko kaha tha tu ne

hum ne barson tahe-madfan tera rasta dekha

hum ne har shakl se achchhi teri surat pai

hum ne har naqsh se achchha tera naqsha dekha

mujh ko mil jaye to tadbir-e-tasalli puchhun

tu ne jis aankh se aashiq ka taDapna dekha

yaad rakhna chaman-e-dahr ki baaten 'muztar'

hashr mein puchh na baiThe ki kaho kya dekha