hasti ko miTa Dala tab itni samajh aai

hastī ko miTā Daalā tab itnī samajh aa.ī

dānā.ī hai nādānī hai nādānī hai dānā.ī

ye baat mohabbat ne ik din mujhe samjhā.ī

tū ḳhud hai ḳhudā apnā parda hai ḳhud-ārā.ī

ulfat ne mujhe terā ā.īna banā Daalā

ḳhud-bīnī kī ḳhud-bīnī yaktā.ī kī yaktā.ī

mar kar bhī tah-e-madfan amboh-e-tamannā hai

hañgāme kā hañgāma tanhā.ī kī tanhā.ī

naqqāsh-e-tasavvur se tasvīr to khichvā le

ab sone kā vaqt aayā ai chashm-e-tamannā.ī

'muztar' ye ḳhudā vaale mar kar bhī jilāte haiñ

madfan se huvaidā haiñ āsār-e-masīhā.ī

hasti ko miTa Dala tab itni samajh aai

danai hai nadani hai nadani hai danai

ye baat mohabbat ne ek din mujhe samjhai

tu KHud hai KHuda apna parda hai KHud-arai

ulfat ne mujhe tera aaina bana Dala

KHud-bini ki KHud-bini yaktai ki yaktai

mar kar bhi tah-e-madfan amboh-e-tamannā hai

hangame ka hangama tanhai ki tanhai

naqqash-e-tasawwur se taswir to khichwa le

ab sone ka waqt aaya ai chashm-e-tamannai

'muztar' ye KHuda wale mar kar bhi jilate hain

madfan se huwaida hain aasar-e-masihai