ہستی کو مٹا ڈالا تب اتنی سمجھ آئی

ہستی کو مٹا ڈالا تب اتنی سمجھ آئی

دانائی ہے نادانی ہے نادانی ہے دانائی

یہ بات محبت نے اک دن مجھے سمجھائی

تو خود ہے خدا اپنا پردہ ہے خود آرائی

الفت نے مجھے تیرا آئینہ بنا ڈالا

خود بینی کی خود بینی یکتائی کی یکتائی

مر کر بھی تہہ مدفن انبوہ تمنا ہے

ہنگامے کا ہنگامہ تنہائی کی تنہائی

نقاش تصور سے تصویر تو کھچوا لے

اب سونے کا وقت آیا اے چشم تمنائی

مضطرؔ یہ خدا والے مر کر بھی جلاتے ہیں

مدفن سے ہویدا ہیں آثار مسیحائی