bagh se daur-e-KHizan sar jo Tapakta nikla

baaġh se daur-e-ḳhizāñ sar jo Tapaktā niklā

qalb-e-bulbul ne ye jaanā merā kāñTā niklā

tere tīroñ kī mudārāt meñ ġhaflat na huī

chhin gayā qalb to chhidne ko kaleja niklā

Duub jaane kī hidāyat jo kabhī mauj ne dī

aañkh dene ko habāb-e-lab-e-dariyā niklā

ātish-e-soz-e-mohabbat ne jalāyā thā jise

vo kaleja tere paanī se bhī ThanDā niklā

jaan paate hī qayāmat meñ terī yaad aa.ī

merā lāsha mirī turbat se taḌaptā niklā

jaate jaate bhī baḌā saath nibāhā 'muztar'

tiir ke saath hī siine se kaleja niklā

bagh se daur-e-KHizan sar jo Tapakta nikla

qalb-e-bulbul ne ye jaana mera kanTa nikla

tere tiron ki mudaraat mein ghaflat na hui

chhin gaya qalb to chhidne ko kaleja nikla

Dub jaane ki hidayat jo kabhi mauj ne di

aankh dene ko habab-e-lab-e-dariya nikla

aatish-e-soz-e-mohabbat ne jalaya tha jise

wo kaleja tere pani se bhi ThanDa nikla

jaan pate hi qayamat mein teri yaad aai

mera lasha meri turbat se taDapta nikla

jate jate bhi baDa sath nibaha 'muztar'

tir ke sath hi sine se kaleja nikla