jafa ki baaten sada banana wafa ki baaten kabhi na karna

jafā kī bāteñ sadā banānā vafā kī bāteñ kabhī na karnā

ḳhudā ke ghar meñ kamī nahīñ hai kiye meñ apne kamī na karnā

kahīñ jo bulbul ne dekh paayā to merī us kī nahīñ banegī

chaman meñ jaane ko rose jaao magar guloñ se hañsī na karnā

ba-vaqt-e-qaul-o-qarār un ko nazākat un kī sujhā rahī hai

vafā kā va.ada to ḳhair kar lo vafā-e-va.ada kabhī na karnā

nahīñ ye kahtā maiñ tujh se qāsid ki un se be-vaqt haal kah de

magar jo pahlū nazar se guzre to us se pahlū-tahī na karnā

hamārī turbat pe tum jo aanā to saath aġhyār ko na laanā

ḳhushī ke sadme hameñ na denā hamāre ġham kī ḳhushī na karnā

pas-e-fanā maiñ ye chāhtā huuñ ki merī turbat pe koī likh de

ki is taraf se guzarne vaalo kisī se tum dostī na karnā

jafa ki baaten sada banana wafa ki baaten kabhi na karna

KHuda ke ghar mein kami nahin hai kiye mein apne kami na karna

kahin jo bulbul ne dekh paya to meri us ki nahin banegi

chaman mein jaane ko rose jao magar gulon se hansi na karna

ba-waqt-e-qaul-o-qarar un ko nazakat un ki sujha rahi hai

wafa ka wada to KHair kar lo wafa-e-wada kabhi na karna

nahin ye kahta main tujh se qasid ki un se be-waqt haal kah de

magar jo pahlu nazar se guzre to us se pahlu-tahi na karna

hamari turbat pe tum jo aana to sath aghyar ko na lana

KHushi ke sadme hamein na dena hamare gham ki KHushi na karna

pas-e-fana main ye chahta hun ki meri turbat pe koi likh de

ki is taraf se guzarne walo kisi se tum dosti na karna