tabiat jo sabr-azma ho gai

tabī.at jo sabr-āzmā ho ga.ī

jafā rafta rafta vafā ho ga.ī

lagāte hī dil mujh ko marnā paḌā

mirī ibtidā intihā ho ga.ī

bane jab se dushman kā tum lutf-e-zīst

mirī zindagī be-mazā ho ga.ī

namūna huuñ maiñ dahr ke haal kā

ḳhudā.ī mirā mājrā ho ga.ī

nazar jab se terī phirī bevafā

muqaddar kī gardish sivā ho ga.ī

lage har taraf haiñ shahīdoñ ke Dher

kisī kī galī karbalā ho ga.ī

udhar maut se us ne kuchh kah diyā

idhar zindagī bevafā ho ga.ī

butoñ ke liye sab jale aag meñ

jahannam pe jannat fidā ho ga.ī

azīzoñ se ummīd 'muztar' fuzūl

tavaqqo.a kī duniyā fanā ho ga.ī

tabiat jo sabr-azma ho gai

jafa rafta rafta wafa ho gai

lagate hi dil mujh ko marna paDa

meri ibtida intiha ho gai

bane jab se dushman ka tum lutf-e-zist

meri zindagi be-maza ho gai

namuna hun main dahr ke haal ka

KHudai mera majra ho gai

nazar jab se teri phiri bewafa

muqaddar ki gardish siwa ho gai

lage har taraf hain shahidon ke Dher

kisi ki gali karbala ho gai

udhar maut se us ne kuchh kah diya

idhar zindagi bewafa ho gai

buton ke liye sab jale aag mein

jahannam pe jannat fida ho gai

azizon se ummid 'muztar' fuzul

tawaqqoa ki duniya fana ho gai