nazar jis ki paDi usne pai-e-sajda jabin rakh di

nazar jis kī paḌī us ne pai-e-sajda jabīñ rakh dī

ye kaisī dilkashī us but meñ sūrat-āfrīñ rakh dī

dar-e-dildār par na.ash-e-dil-e-andohgīñ rakh dī

vahīñ kī ḳhaak thī is vāste maiñ ne vahīñ rakh dī

nishānī chhoḌ aayā chāk-e-pairāhan kī kāñToñ par

kisī par jeb rakh dī aur kisī par āstīñ rakh dī

ye vo badlā hai sañg-e-āstāñ kī jabha-sā.ī kā

ki aa.e aur merī qabr par apnī jabīñ rakh dī

musībat jaan de kar ḳhatm kar dī kū-e-jānāñ meñ

jahāñ se ye amānat le ke aayā thā vahīñ rakh dī

ġhubār-e-rāh-e-ulfat kar ke uupar hī bulā letā

ilāhī na.ash-e-'muztar' tū ne kyuuñ zer-e-zamīñ rakh dī

nazar jis ki paDi us ne pai-e-sajda jabin rakh di

ye kaisi dilkashi us but mein surat-afrin rakh di

dar-e-dildar par nash-e-dil-e-andohgin rakh di

wahin ki KHak thi is waste main ne wahin rakh di

nishani chhoD aaya chaak-e-pairahan ki kanTon par

kisi par jeb rakh di aur kisi par aastin rakh di

ye wo badla hai sang-e-astan ki jabha-sai ka

ki aae aur meri qabr par apni jabin rakh di

musibat jaan de kar KHatm kar di ku-e-jaanan mein

jahan se ye amanat le ke aaya tha wahin rakh di

ghubar-e-rah-e-ulfat kar ke upar hi bula leta

ilahi nash-e-'muztar' tu ne kyun zer-e-zamin rakh di